Oassálastit
Aina
Aina 73 jagi, Rans čearda
Aina lea vuosttaš nisu gii oažžu medálja ráđđehusas rahčamušaidis ovddas boazodoallin. Son lea eallán olles eallima boazodoalus. Iežas 73 jagis leas son vásihan stuorra rievdamiid. Ovdal čuoggai son máŋga miilla nođiin ja mánáiguin seaggis, muhto dálá áiggi son johttá meahcci njealjejuvllagiin dahje skohteriin Earret dan gorutlaččat garra barggu lea Aina riegádahttán ja bajásgeassan vihtta máná. Oktanaga dainna lea son bargan sámiid organiseremiin ja vuoigatvuođaiguin. Son lea maiddái ekspearta gii lea leamaš searvvis stáhta čielggademiiguin mat gusket boazodollui.
Ainas lea jáhkku boahtte áigái. Son sávvá ahte mánát ja mánáid mánáin lea vejolašvuohta joatkit su bálgáid mielde. Go čearru šaddá riektái bággejuvvo Aina duođaštit iežas ja máttarváhnemiid leahkima. Dát lea psyhkalaččat . Jus másset čearu ii soaitte leat boahtte áigi.
Elisabeth
49 jagi, Sirges čearru
Elisabeth lea nisson gii váldá saji barggus mas leat eanas dievddut. Son bivdá ealggaid lihkka bures go son njuovvá ja rihtte. Son lea fápmonisu, mii dahká ahte buot lea vejolaš jus beare lea doarvái dáhttu. Elisabeth ii leat bajásšaddan boazodoalus, muhto dát lea leamaš su eallin dan rájes go son deaivvai boadnjis, boazodoalli Pier-Ánte. Odne lea Elisabethii lihkka lunddolaš čohkket bohccuid ja mearkut, go Pier-Ánttii lea leat ruovttus mánáiguin, muhto nissonolmmožin lea sus váldo- ovddasvástádus bearrašis ja mánáin.
Bearaš eallá dainna maid luondu addá. Duhtávaččat eallimiin, liggosit ja leaikát deaividit sii árgabeivviineaset. Mánáide Sannai ja Atarisii lea boazodoallu áidna eallin maid sii leat vásihan. Eallin mas eai leat rájit barggus, astoáiggis ja bearrašis.
Lisa
26 jagi, Vapstens čearru
Lisa buohtastahttá deaivvadeami sámi ja ii-sami máilmmiin guokte sáibobulljarasa deaivvademiin, Dat mannet oktii, goappašagat leaba čábbát, muhto lea álo seaidni, erohus dáid gaskka.
Lisa lohká valáštallanpedagogan ja bargá bealle áiggi áhčiinis boazodoalus. De dáhpáhuvvá lihkohisvuohta Gosii golbma jagi dás ovdal beaškkeheigga Lisa ja su áhčči oktii biillain mii bođii ovddal. Goappašagat roasmmahuvvaba bahuid. Lisa veallá komas mánu garrasit vihkáduvvon sattáhalla son eallima ja jápmima gaskkas. Oavddu olis beassá son heakkas. Luodda ruovttoluotta eallimii lea guhki ja Lisa rahčá ain šaddat buorre.
Odne bargá son boazodoalus nu ollu go veadjá ja áiggis Lisa geahččala nákcet juohkebeáivválaš hástalusaid, son soaitá boahtte áiggis šaddat váldit badjelasas áhčis doalu.
Ođđasat!
Eallonissonat won BEST AESTHETICS AWARD at 'Nepal International Indigenous Film Festival 2008'!
Buvttadanjoavku
Hans-Olof Utsi, 38-jahkásat sámi govvideaddji Miertajávris eret. Lea 1994 rájes doaimmahan fitnodaga Govvideaddji Hans-Olof Utsi AB Gironis.
